Letra y Traducción en español de Canciones Italianas · Italian songs lyrics with spanish translation · Testi di canzoni italiane con traduzione in spagnolo

De vez en cuando me preguntan por canciones, discos... si queréis intercambiar o compartir, visitad la página de facebook. GRACIAS

Cantantes


Nombres completos: LINK

Años

Canciones en dialecto


NapoletanoRomanescoSiciliano

About Kara

Adoro escuchar y traducir canciones italianas, y gracias a que soy bilingüe puedo hacerlo personalmente, sin traductores automáticos y manteniéndome fiel al significado original del texto italiano. He creado este blog para poder compartir esta música tan maravillosa con todos vosotros... ¡Sed bienvenidos!
* "Kara Hidden" no es mi nombre real, sólo es un seudónimo.

Amo ascoltare e tradurre delle canzoni italiane, e dato che sono bilingue, posso farlo personalmente, senza traduttori automatici e rimanendo fedele al significato originale del testo italiano. Ho creato questo blog per poter condividere questa musica così meravigliosa con tutti voi... Siate benvenuti!
* "Kara Hidden" non è il mio vero nome, ma soltanto uno pseudonimo.

I love listening and translating italian songs, and because of I'm bilingual, it's something I can do personally, without automatic translators and keeping the original meaning of the italian text. I have created this blog to share this so wonderful music with all you... Be welcome!
* "Kara Hidden" is not my real name, but only a pseudonym.

Archivo del blog

Visitantes desde el 24 Enero 2009

¡¡¡Gracias por vuestra visita!!!

Share
karahidden.blogspot.com

Letra en italiano al lado de traducción:
http://musica-italiana.blogspot.com

MUSICA ITALIANA - Aprende italiano / español con 846

CANZONI POPOLARI NAPOLETANE

Compartir en Facebook

0

INDICE Canzoni popolari italiane


MICHELAMMA’
FENESTE CHE LUCIVE
FUNICULI’ FUNICULA’
E’ MEZZANOTTE E CU STU MANDOLINO
I' TE VURRIA VASA'
O SOLE MIO
COMME FACETTE MAMMETA?
'O SURDATO 'NNAMMURATO
MONTI DI MOLA
LI SARRACINI ADORANO LU SOLE
TAMMURRIATA NERA
'O SARRACINO
MUNASTERIO 'E SANTA CHIARA
REGINELLA
SANTA LUCIA
TORNA A SURRIENTO
'A CASCIAFORTE
A MARECHIARO
ANEMA E CORE
CICCIO FORMAGGIO
CORE 'NGRATO
DICITENCELLO VUJE
DOVE STA' ZAZZA'
E SPINGULE FRANCESE
IO, MAMMETA E TU
MALAFEMMENA
'O PAESE D'O SOLE
PIGLIATE NA PASTIGLIA
SCÉTATE
TE VOGLIO BENE ASSAJE
NUN SIA MAIE
TIEMPE BELLE
PASSIONE
PALOMMA 'E NOTTE
NA SERA 'E MAGGIO
CARMELA
MARUZZELLA
ROSA MMIEZ''E ROSE
L'URTEMA CANZONE MIA


MICHELAMMA’

E' nata miez'o mare
Michelemmà
e Michelemmà
e' nata miez'o mare
Michelemmà e Michelemmà
oje na scarola
oje na scarola

Li turche se nce vanno
Michelemmà
Michelemmà
a reposare

Chi pe la cimma e chi
Michelemmà
Michelemmà
pe lo streppone

Visto a chi là vence
Michelemmà
co sta figliola

Sta figliola ch'e figlia
Michelemmà
Michelemmà
oje de Notare

E mpietto porta na ...
Michelemmà
Michelemmà
Stella Diana

Pe fa mori' ll'amante
Michelemmà
Michelemmà
A duje a duje
Pe fa mori' li amanti
a duje a duje


FENESTE CHE LUCIVE

Feneste che lucive e mo nun luce,
Sign'e' ca nenna mia stace malata?
S'affaccia la sorella e che me dice?
"Nennella toia e' morta e s' 'e atterrata."
"Chiagneva sempre ca durmeva sola;"
"mo dorme co li muorte accompagnata!"

- Cara sorella mia, che me dicite?
Cara sorella mia che me contate?
"Guarde 'ncielo si nun me credire.,"
"Purzi' li stelle stanno appassiunate."
"E' morta nenna vosta, ah, si chiagnite,
"Ca quanto v'aggio ditto e' beritate!

"Jate a la Chiesia e la vedite pure,
"Aprite lo tavuto e che trovate ?
"Da chella vocca che n'asceano sciure
"Mo n'esceno li vierme, oh che piatate!
"Zi' Parrocchiano mio, tienece cure,
"Le llampe sempre tienece allummate!".

Ah! nenna mia, si' morta, puvurella!
Chill'uocchie chiuse nun l'arape maje!
Ma ancora all'uocchie mieje tu para bella
Ca sempe t'aggio amata e mmo cchiu' assaje!
Potesse a lo mmacaro mori' priesto
E m'atterrasse a lato a tte, nennella!

Addio, fenesta; restate nzerrata,
Ca nenna mia mo nun se po' affacciare;
Io cchiu' nun passarraggio da sta strata;
Vaco a lo camposanto a passiare
Nzino a lo jurno che la morte 'ngrata
Mme face nenna mia ire a truvare.


FUNICULI’ FUNICULA’

Aieressera, oì Nanninè, me ne sagliette,
tu saie addò tu saie addò
Addò 'stu core 'ngrato cchiù dispietto
farme nun pò!
Addò lo fuoco coce,
ma si fuie te lassa sta!
E nun te corre appriesso, nun te struie,
'ncielo a guardà!...
Jammo, jammo 'ncoppa, jammo jà,
funiculì, funiculà!

Né jammo da la terra a la montagna
no passo nc'è!
Se vede Francia, Proceta e la Spagna...
Io veco a tte!
Tirato co la fune, ditto 'nfatto,
'ncielo se va...
Se va comm' 'à lu viento a l'intrasatto,
guè, saglie sà!
Jammo, jammo 'ncoppa, jammo jà,
funiculì, funiculà!

Se n' 'è sagliuta, oì né,
se n' 'è sagliuta la capa già!
È gghiuta, pò è turnata, pò è venuta...
sta sempe ccà!
La capa vota, vota, attuorno, attuorno,
attuorno a tte!
Sto core canta sempe
nu taluorno
Sposammo, oì né!
Jammo, jammo 'ncoppa, jammo jà,
funiculì, funiculà!


E’ MEZZANOTTE E CU STU MANDULINO

E’ mezzanotte! E cu stu mandulino
I’ canto a stu barcone chin’ ‘e rose:
saglie n’addor’arance d’ ‘o ciardino
e st’aria doce vene a prufumà.
’A luna janca me pare d’argiento,
sbattute songh’ ‘e rrose da stu viente.
Oi rose meje!
Si dorme chesta fata
scetatela!
Cu cchesta serenata.
E’ mezzanotte! E i’canto
sta canzone
ch’ ‘e sciure e ch’aucielle ncumpagnia…

Quanta suspire!… e quanta passione
dint’ a stu core mio tengo pe te.
Suspire mjeie, vulate a stu barcone:
facite sentì a Rosa sta canzone.
Oi rose meje!
Si dorme chesta fata
scetatela!
Cu cchesta serenata.
Oj luna! Pecchè rire e tiene mente?
Pecchè nun faje luce a stu barcone?
Cu chisti ragge tuie tante lucente famme
vedè si Rosa mo nce sta.
Vola canzona mia! Vola, canzone!
Rusina fa la spia for’ ‘o barcone.
Oi rose meie!
Essa s’è scetata:
purtatela!
Per me sta serenata.


I' TE VURRIA VASA'

Ah! che bell'aria fresca,
ch'addore 'e malvarosa,
e tu durmenno staje!
ncopp'a sti ffronne 'e rosa.

'O sole a poco a poco
pe stu ciardino sponte;
'O viente passa e vasa
stu ricciulillo nfronte.

I' te vurria vasà...
ma 'o core nun m' 'o ddice 'e te scetà
I' me vurria addurmì
vicino 'o sciato tujo
n'ora pur' i'.

Tu duorme oj Rosa mia?
E duorme a suonno chino;
mentr'io guardo ncantato
stu musso curallino

E chesti carne fresche,
e chesti trezze nere,
me mettono int' 'o core
mille male penziere.

I' te vurria vasà...

Sento stu core tujo
che sbatte comm' 'a ll'onne
durmenno, angelo mio,
chi sa tu a chi te suonne!

'A gelusia turmenta
stu core mio malato;
te suonne a me? Dimmello...
o pure suonne a n'ato?

I' te vurria vasà...


O SOLE MIO

Che bella cosa è na jurnata 'e sole,
n'aria serena doppo na tempesta!
Pe'll'aria fresca pare già na festa...
che bella cosa na jurnata 'e sole.

Ma n'atu sole
cchiù bello, oi ne',
'o sole mio
sta nfronte a te!

Lucèno 'e llastre d' 'a fenesta toja;
'na lavannara canta e se ne vanta
e pe' tramante torce, spanne e canta,
lùceno 'e llastre d' 'a fenesta toja.

Ma n'atu sole...

Quanno fa notte e 'o sole se ne scenne,
me vene quase 'na malincunia:
sotto 'a fenesta toja restarria
quanno fa notte e 'o sole se ne scenne.

Ma n'atu sole...


COMME FACETTE MAMMETA?

Quanno mammeta t'ha fatta,
Quanno mammeta t'ha fatta,
Vuò sapè comme facette?
Vuò sapè comme facette?
Pè 'mpastà sti ccarne belle...
Pè 'mpastà sti ccarne belle...
Tutto chello che mettette?...
Tutto chello che mettette?...
Ciente rose 'ncappucciate
Dint' 'a martula mmescate:
Latte e rrose, rose e latte
Te facette 'ncopp' 'o fatto...!
Nun c'è bisogno 'a zingara
P' 'andivinà, Cuncè,
Comme t'ha fatto màmmeta,
'O ssaccio meglio 'e te.

E pe' fa sta vocca bella
E pe' fa sta vocca bella
Nun servette 'a stessa 'addosa...
Nun servette 'a stessa 'addosa...
Vuò sapè che 'nce mettette?...
Vuò sapè che 'nce mettette?...
Mo te dico tuttocosa:
Mo te dico tuttocosa:
'Nu panaro chino chino
tutt' 'e fravule 'e ciardino.
Mele, zuccaro e cannella...
Te 'mpastaie sta vocca bella.
Nun c'è bisogno 'a zingara...

E pe' fa sti ttrezze d'oro,
E pe' fa sti ttrezze d'oro,
Mamma toia s'appezzentette,
Mamma toia s'appezzentette.
Bella mia tu qua' muneta?
Bella mia tu qua' muneta?
Vuò sapè che 'nce servette?
Vuò sapè che 'nce servette?
'Na miniera sana sana
Tutta fatta a filigrana
'Nce vulette, pè sti ttrezze,
Ch'a vasà nun ce sta prezze.
Nun c'è bisogno 'a zingara...


'O SURDATO 'NNAMMURATO

Staje luntana da stu core
e a te volo cu' 'o penziero:
niente voglio e niente spero
ca tenerte sempe affianco a me!
Si' sicura 'e chist'ammore
comm'i' so' sicuro 'e te...

Oje vita, oje vita mia,
oje core e' chistu core,
si' stata 'o primm'ammore:
'o primmo e ll'ùrdemo sarraje pe' me!

Quand' a notte nun te veco,
nun te sento int'a sti bracce,
nun te vaso chesta faccia,
nun t'astregno forte mbraccia a me?
Ma scetannome 'a sti suonne,
mme faje chiagnere pe'te...

Oje vita, oje vita mia...

Scrive sempre 'e sta' cuntenta:
io nun penzo che a te sola:
nu penziero mme cunzola;
ca tu pienze sulamente a me...
'A cchiù bella 'e tutt' 'e belle
nun è maje cchiù bella 'e te!

Oje vita, oje vita mia...


MONTI DI MOLA

In li Monti di Mola la manzana
un'aina musteddina era pascendi
In li Monti di Mola la manzana
un cioano vantaricciu e moru era sfraschendi

Sui monti di mola la mattina presto
un'asina dal mantello chiaro stava pascolando
sui monti di mola la mattina presto
un giovane bruno e aitante stava tagliando rami


E l'occhi s'intuppesini cilchendi ea ea ea ea
e l'ea sguttesi da li muccichili cu' li bae ae ae
e l'occhi la burricca aia di lu mare
e a iddu da le tive escia lu Maestrale
e idda si tunchia abbeddulata ea ea ea ea...
iddu le rispundia linghitontu ae ae ae ae...

E gli occhi si incontrarono mentre cercavano acqua
e l'acqua sgocciolo' dai musi insieme alle bave
e l'asina aveva gli occhi color del mare
e a lui dalle narici usciva il maestrale
e lei ragliava incantata ea ea ea ea...
e lui le rispondeva pronunciando male ae ae ae ae...


- Oh bedda mea, l'aina luna
la bedda mea, capitale di lana
Oh bedda mea, bianca foltuna

- Oh bella mia, l'asina luna
oh bella mia, cuscino di lana
oh bella mia, bianca fortuna


- Oh beddu meu, l'occhi mi bruxi
lu beddu meu, carrasciale di baxi
lu beddu meu, lu core mi cuxi

- Oh bello mio, mi bruci gli occhi
il mio bello, carnevale di baci
oh bello mio, mi cuci il cuore


Amori mannu, di prima 'olta
l'aba mi suggi tuttu lu meli di chista multa
Amori steddu, di tutte l'ore
di petralana lu battadolu di chistu core

Amore grande, di prima volta
l'ape si succhia tutto il miele di questo mirto
amore bambino, di tutte le ore
di muschio il battacchio di questo cuore


Ma nudda si po' fa nudda, in Gaddura
che no lu enini a sapi, int'un'ora
e 'nfattu una 'ecchia infrasconata fea ea ea ea
piagnendi e figgiulendi si dicia cu li bae ae ae

Ma nulla si puo' fare nulla, in gallura
che non lo vengano a sapere in un'ora
e sul posto una vecchia nascosta fra le frasche
piangendo e guardando diceva fra se' con le bave alla bocca


Beata idda, uai che bedd'omu
beata idda, cioanu e moru
beata idda, sola mi moru
beata idda, ia me l'ammentu piu' d'una 'olta
beata idda, 'ezzaia tolta

Beata lei, mamma mia che bell'uomo
beata lei, giovane e bruno
beata lei, io muoio sola
beata lei, me lo ricordo bene
beata lei, vecchiaia storta


Amori mannu, di prima 'olta
l'aba mi suggi tuttu lu meli di chista multa
Amori steddu, di tutte l'ore
di petralana lu battadolu di chistu core

Amore grande, di prima volta
l'ape si succhia tutto il miele di questo mirto
amore bambino, di tutte le ore
di muschio il battacchio di questo cuore


E lu paese intreu s'agghindesi pa' lu coiu
lu parracu mattessi intresi in lu soiu
ma a cuiuassi no riscisini l'aina e l'omu
che' da li documenti escisini fratili in primu

E il paese intero si agghindo' per il matrimonio
lo stesso parroco entro' nel suo vestito
ma non riuscirono a sposarsi l'asina e l'uomo
perche' dai documenti risultarono cugini primi


e idda si tunchia abbeddulata ea ea ea ea...
iddu le rispundia linghitontu ae ae ae ae...

E lei ragliava incantata ea ea ea ea...
lui le rispondeva pronunciando male ae ae ae ae...


LI SARRACINI ADORANO LU SOLE (Roberto De Simone)

Li sarracini adorano lu sole
et li turchi la luna cu le stelle
et io adoro chiesti trezze belle.
Li marenare quanno hanno fortuna
chiamano per aiuto quacche santo
ed io a te sola invoco nel mio chianto.

Tutti li schiavi cercano fuggire
et vurriano spezzare li catene
et io invece cchiu' me schiavo tiene.


TAMMURRIATA NERA

I’ nun capisco ‘e vvote che succede
E chello ca se vede
nun se crede nun se crede!
E’ nato nu criaturo nire nire
E ‘a mamma ‘o chiamma Giro
Sissignore ‘o chiamma Giro

Seh! gira e vota seh!
Seh! vota e gira seh!
Ca tu ‘o chiamme Ciccio o ‘Ntuono
Ca tu ‘o chiamme Peppe o Giro
Chill’ ‘o fatto è niro niro
Niro niro comm’a cche!

E ‘o spiegano ‘e cummare chist’affare
Sti fatte nun sò rare
se ne vedene a migliare
‘A vote basta solo ‘na guardata
E ‘a femmena remmane
Sott’ a botta ‘mpressionate

Seh! na guardate seh!
Seh! Na ‘mpressione seh!
Va truvanne mo chi è stato
C’à cugliuto buono ‘o tiro!
Chill’ ‘o fatto è niro niro
Niro niro comm’ a cche

Ha ditto ‘o parulano - emmbè parlammo
Pecché si raggiunamme
Chist’ ‘o fatto ‘nce ‘o spiegammo.
Addò pastine ‘o ggrano, ‘o ggrano cresce
Riesce o nun riesce
Semp’ è ggrano chillo ch’esce

Me'! dillo a mamma meh!
Me'! dillo pure a me
Ca tu 'o chiamme Ciccio… ‘Ntuono…
Ca tu 'o chiamme Peppe o Giro
Chill’ ‘o ninno è niro niro
niro niro comm’ ‘a cche.


'O SARRACINO

Tene 'e capille ricce ricce...
Ll'uocchie 'e brigante e 'o sole 'nfaccia...
Ogne figliola s'appiccia si 'o vede 'e passá...
Na sigaretta 'mmocca...
Na mana dint''a sacca...
e se ne va, smargiasso, pe' tutt''a cittá...
'O sarracino,
'o sarracino,
bellu guaglione!
'O sarracino,
'o sarracino,
tutt''e ffemmene fa suspirá...
E' bello 'e faccia,
è bello 'e core:
sape fá 'ammore...
E' malandrino,
è tentatore...
Si 'o guardate ve fa 'nnammurá.
E na bionda s'avvelena,
e na bruna se ne more...
E' veleno o calamita?
Chisto a 'e ffemmene che lle fa?
'O sarracino,
'o sarracino,
bellu guaglione...
E' bello 'e faccia,
è bello 'e core:
tutt''e ffemmene fa 'nnammurá!
Finale:
Ma na rossa, ll'ata sera,
cu nu vaso e cu na scusa,
t'ha arrubbato anema e core!
Sarracino nun si' cchiù tu!...
'O sarracino,
'o sarracino'
bellu guaglione!
'O sarracino,
'o sarracino,
tutt''e ffemmene fa 'nnammurá

Sarracino, sarracinoooo


MUNASTERIO 'E SANTA CHIARA

Dimane?...Ma vurría partí stasera!
Luntano, no...nun ce resisto cchiù!
Dice che c'è rimasto sulo 'o mare,
che è 'o stesso 'e primma...chillu mare blu!
Munasterio 'e Santa Chiara...
tengo 'o core scuro scuro...
Ma pecché, pecché ogne sera,
penzo a Napule comm'era,
penzo a Napule comm'è?!
Funtanella 'e Capemonte,
chistu core mme se schianta,
quanno sento 'e dí da 'a gente
ca s'è fatto malamente
stu paese...ma pecché?
No...nun è overo...
no...nun ce créro...
E moro cu 'sta smania 'e turná a Napule...
Ma ch'aggi''a fá?...
Mme fa paura 'e ce turná!
II
Paura?...Sí...Si fosse tutto overo?
Si 'a gente avesse ditto 'a veritá?
Tutt''a ricchezza 'e Napule...era 'o core!
dice ch'ha perzo pure chillu llá!
Munasterio 'e Santa Chiara...
'Nchiuse dint'a quatto mura,
quanta femmene sincere,
si perdévano ll'ammore,
se spusavano a Gesù!
Funtanella 'e Capemonte...
mo, si pèrdono n'amante,
giá ne tènono ati ciento...
ca, na femmena 'nnucente,
dice 'a gente, nun c'è cchiù!
No...nun è overo...
No...nun ce crero...
E moro pe' 'sta smania 'e turná a Napule!
Ma ch'aggi''a fá...
Mme fa paura 'e ce turná!
Finale:
Munasterio 'e Santa Chiara...
Tengo 'o core scuro scuro...
Ma pecché, pecché ogne sera,
penzo a Napule comm'era
penzo a Napule comm'è?!...


REGINELLA

Te si' fatta 'na veste scullata,
nu cappiello cu 'e nastre e cu 'e rrose...
Stive 'mmiezo a tre o quattro sciantose,
e parlave francese... è accussì?
Fuje l'autriere ca t'aggio 'ncuntrata?
Fuje l'autriere, a Tuleto, gnorsì...
T'aggio vuluto bene a te...
Tu m'è vuluto bene a me!
Mo nun 'nce amammo cchiù,
ma 'e vvote tu
distrattamente pienze a me!
Reginè, quanno stive cu mmico
non magnave ca pane e cerase,
nuie campavamo 'e vase! E che vase,
tu cantave e chiagnive pe' me...
E 'o cardillo cantava cu ttico:
"Reginella 'o vuo' bene a 'stu rre".
T'aggio vuluto bene a te...
Tu m'è vuluto bene a me!
Mo nun 'nce amammo cchiù,
ma 'e vvote tu
distrattamente pienze a me!
Oj cardillo, a chi aspiette stasera?
Nun 'o vide? aggio aperta 'a cajola,
Reginella è vulata, e tu vola!
Vola e canta, nun chiagnere ccà!
t'he' 'à truva' 'na patrona sincera
ca è cchiù degna 'e sentirte 'e cantà.
T'aggio vuluto bene a te...
Tu m'è vuluto bene a me!
Mo nun 'nce amammo cchiù,
ma 'e vvote tu
distrattamente pienze a me!


SANTA LUCIA

Comme se frícceca
la luna chiena...
lo mare ride,
ll'aria è serena...
Vuje che facite
'mmiez'a la via?
Santa Lucia!
Santa Lucia!
II
Stu viento frisco,
fa risciatare,
chi vò' spassarse
jènno pe' mare...
E' pronta e lesta
la varca mia...
Santa Lucia!
Santa Lucia!
III
La tènna è posta
pe' fá na cena...
e quanno stace
la panza chiena,
non c'è la mínema
melanconia!
Santa Lucia!
Santa Lucia!
Pòzzo accostare
la varca mia?
Santa Lucia!
Santa Lucia!...


TORNA A SURRIENTO

Vide 'o mare quant'è bello!
Spira tantu sentimento.
Comme tu a chi tiene mente
Ca scetato 'o faje sunnà.
Guarda, guà chistu ciardino;
Siente, siè sti sciure arance.
Nu prufumo accussì fino
Dinto 'o core se ne va...
E tu dice "I'parto, addio!"
T'alluntane da stu core...
Da la terra da l'ammore...
Tiene 'o core 'e nun turnà
Ma nun me lassà
Nun darme stu turmiento!
Torna a Surriento,
Famme campà!
Vide 'o mare de Surriento,
Che tesoro tene 'nfunno:
Chi ha girato tutto 'o munno
Nun l'ha visto comm'a ccà.
Guarda attuorno sti sserene,
Ca te guardano 'ncantate
E te vonno tantu bene...
Te vulessero vasà.
E tu dice "I'parto, addio!"
T'alluntane da stu core...
Da la terra da l'ammore...
Tiene 'o core 'e nun turnà
Ma nun me lassà
Nun darme stu turmiento!
Torna a Surriento,
Famme campà!


'A CASCIAFORTE

Vaco truvanno na casciaforte!
E andivinate pe' ne fá che?
Non tengo titoli,
non vivo 'e rendita,
non ci ho un vestito pe' cuollo a me!...
Ma 'a cascia mi necessita...
Pe' forza ll'aggi''a tené!
Ce aggi''a mettere tutt''e llettere
che mi ha scritto Rosina mia...
nu ritratto (formato visita)
d''a bonanema 'e zi' Sufia...
nu cierro 'e capille,
nu cuorno 'e curallo...
ed il becco del pappagallo
che noi perdemmo nel ventitré...
Sono ricordi che in cassaforte,
sulo llá dinto t''e ppuó' astipá...
Quando mi privano
del companatico,
io 'ngótto e zitto senza sferrá...
Lo so! La vita è tragica,
ma 'a cascia...mme ll'hann''a dá!
Ce aggi''a mettere tutt''e llettere
che mi ha scritto Rosina mia...
Il mozzone di una steárica
(conficcato nella bugia),
na bambola 'e Miccio,
na lente in astuccio...
e una coda di cavalluccio
che mi ricorda la meglio etá!
Vaco truvanno na casciaforte!
Ma a qua' casciere ce 'o vvaco a dí?...
Certe reliquie,
cierti cimeli,
si 'e ttiene 'a fore, pònno sparí!...
San Casimiro martire...
'sta cascia, famm''a vení!
Ce aggi''a mettere tutt''e llettere
che mm'ha scritto Rosina mia,
na cartella (di lire dodici)
rilasciata dall'agenzía...
Na máneca 'e sicchio,
na crástula 'e specchio,
na corteccia di cacio vecchio
e un fracchesciasso color cakí!


A MARECHIARO

Quanno spónta la luna a Marechiaro,
pure li pisce nce fanno a ll'ammore...
Se revòtano ll'onne de lu mare:
pe' la priézza cágnano culore...
Quanno sponta la luna a Marechiaro.
A Marechiaro ce sta na fenesta:
la passiona mia ce tuzzuléa...
Nu garofano addora 'int'a na testa,
passa ll'acqua pe' sotto e murmuléa...
A Marechiaro ce sta na fenesta....
II
Chi dice ca li stelle só' lucente,
nun sape st'uocchie ca tu tiene 'nfronte!
Sti ddoje stelle li ssaccio i' sulamente:
dint'a lu core ne tengo li ppónte...
Chi dice ca li stelle só' lucente?
Scétate, Carulí', ca ll'aria è doce...
quanno maje tantu tiempo aggi'aspettato?!
P'accumpagná li suone cu la voce,
stasera na chitarra aggio purtato...
Scétate, Carulí', ca ll'aria è doce!...


ANEMA E CORE

Nuje ca perdimmo 'a pace e 'o suonno,
nun ce dicimmo maje pecché?...
Vocche ca vase nun ne vonno,
nun só' sti vvocche oje né'!
Pure, te chiammo e nun rispunne
pe' fá dispietto a me...
Tenímmoce accussí: ánema e core...
nun ce lassammo cchiù, manco pe' n'ora...
stu desiderio 'e te mme fa paura...
Campá cu te,
sempe cu te,
pe' nun murí...
Che ce dicimmo a fá parole amare,
si 'o bbene po' campá cu nu respiro?
Si smanie pure tu pe' chist'ammore,
tenímmoce accussí...ánema e core!
II
Forse sarrá ca 'o chianto è doce,
forse sarrá ca bene fa...
Quanno mme sento cchiù felice,
nun è felicitá...
Specie si ê vvote tu mme dice,
distratta, 'a veritá...
Tenímmoce accussí: ánema e core...


CICCIO FORMAGGIO

Te 'ncuntraje,
te parlaje
e m'innamorai di te...
Mme guardaste,
mme diciste:
"Mi piacete pure a me..."
Ma tutt''o bbene ca hê ditto sempe 'e mme vulé,
è na buscía ch'è asciuta 'ncopp''o naso a te...
Si mme vulisse bene overamente,
nun mme facisse 'ncujetá da 'a gente,
nun mme tagliasse 'e pizze d''a paglietta,
nun mme mettisse 'a vrénna 'int''a giacchetta...
Si mme vulisse bene, o mia Luisa,
nun mme rumpisse 'o cuollo d''a cammisa...
Si' na 'nfá'...si' na 'nfá'...si' na 'nfama...
Te n'abù'...te n'abù'...te n'abuse...
te n'abuse ca Ciccio Formaggio,
nun tene 'o curaggio
nemmeno 'e parlá!
II
Si sapisse,
si vedisse,
dint''o core mio che nc'è!
Cumpatisse...
Mme dicisse:
"Puveriello...ma pecché?"
Ma 'ncopp''o core tu nce tiene 'e pile 'o ssá'
ca nu barbiere nun ce abbasta p''e ttagliá!...
Si mme vulisse bene overamente,
nun mme facisse 'ncujetá da 'a gente...
Nun mme tirasse 'e pile 'a dint''e rrecchie,
nun mme mettisse 'o dito dint'a ll'uocchie,
nun mme mettisse 'a neve dint''a sacca,
nun mme squagliasse 'ncapa 'a ceralacca!
Si' na 'nfá'........
.........................
III
L'altro giorno,
ma che scorno:
Vengo a casa e trovo a te
spettinata,
abbracciata
'nziem'a n'ommo...Bèh...ched è?!
Mme rispunniste: "Chisto vene a te 'mpará
comme se vasa quanno tu mm'hê 'a spusá..."
Si mme vulisse bene overamente,
nun mme facisse 'ncujetá da 'a gente...
Nun mme menasse 'e streppe 'e rafanielle,
nun mme mettisse 'a quaglia 'int''o cappiello,
nun mme facisse stá, pe' n'ora sana,
cu 'a pippa 'mmocca e cu 'a cannela 'mmano!
Si mme vulisse bene overamente,
nun mme facisse 'ncujetá da 'a gente...
Nun mme pugnisse areto cu 'o spillone,
nun mme mettisse 'a colla 'int''o cazone...
Nun mme screvisse, cu nu piezzo 'e gesso,
aret''o matinè: "Ciccí' si' fesso!"


CORE 'NGRATO

Catarí', Catarí'...
pecché mm''e ddice sti pparole amare?!
Pecché mme parle e 'o core mme turmiente Catarí'?!
Nun te scurdá ca t'aggio dato 'o core, Catarí'...
Nun te scurdá...
Catarí'...
Catarí', che vène a dicere
stu pparlá ca mme dá spáseme?
Tu nun ce pienze a stu dulore mio?!
Tu nun ce pienze, tu nun te ne cure...
Core, core 'ngrato...
T'hê pigliato 'a vita mia!
Tutto è passato...
e nun ce pienze cchiù.
II
Catarí', Catarí'...
tu nun 'o ssaje ca fino e 'int'a na chiesa
io só' trasuto e aggiu pregato a Dio, Catarí'...
E ll'aggio ditto pure a 'o cunfessore: "Io stó' a murí
pe' chella llá...
Stó' a suffrí,
stó' a suffrí nun se pò credere...
stó' a suffrí tutte li strazie..."
E 'o cunfessore, ch'è perzona santa,
mm'ha ditto: "Figliu mio lássala stá, lássala stá!..."
Core, core 'ngrato...
T'hê pigliato 'a vita mia!
Tutto è passato...
e nun ce pienze cchiù.


DICITENCELLO VUJE

Dicitencello a 'sta cumpagna vosta
ch'aggio perduto 'o suonno e 'a fantasia...
ch''a penzo sempe,
ch'è tutt''a vita mia...
I' nce 'o vvulesse dicere,
ma nun ce 'o ssaccio dí...
'A voglio bene...
'A voglio bene assaje!
Dicitencello vuje
ca nun mm''a scordo maje.
E' na passione,
cchiù forte 'e na catena,
ca mme turmenta ll'anema...
e nun mme fa campá!...
Dicitencello ch'è na rosa 'e maggio,
ch'è assaje cchiù bella 'e na jurnata 'e sole...
Da 'a vocca soja,
cchiù fresca d''e vviole,
i giá vulesse sèntere
ch'è 'nnammurata 'e me!
'A voglio bene...
..........................
Na lácrema lucente v'è caduta...
dicíteme nu poco: a che penzate?!
Cu st'uocchie doce,
vuje sola mme guardate...
Levámmoce 'sta maschera,
dicimmo 'a veritá...
Te voglio bene...
Te voglio bene assaje...
Si' tu chesta catena
ca nun se spezza maje!
Suonno gentile,
suspiro mio carnale...
Te cerco comm'a ll'aria:
Te voglio pe' campá!..


DOVE STA' ZAZZA'

Era la festa di San Gennaro,
quanta folla per la via...
Con Zazá, compagna mia,
me ne andai a passeggiá.
C'era la banda di Pignataro
che suonava il "Parsifallo"
e il maestro, sul piedistallo,
ci faceva deliziá...
Nel momento culminante
del finale travolgente,
'mmiez'a tutta chella gente,
se fumarono a Zazá!...
Dove sta Zazá?!
Uh, Madonna mia...
Come fa Zazá,
senza Isaia?...
Pare, pare, Zazá,
che t'ho perduta, ahimé!
Chi ha truvato a Zazá
ca mm''a purtasse a me...
Jámmola a truvá...
sù, facciamo presto..
Jámmola a incontrá
con la banda in testa...
Uh, Zazá!
Uh, Zazá!
Uh, Zazá!
tuttuquante aîmm'a strillá:
Zazá, Zazá,
Isaia sta ccá!
Isaia sta ccá!
Isaia sta ccá!...
Zazá, Zazá,
za-za-za-za,
comm'aggi 'a fá pe' te truvá?!
I', senza te, nun pozzo stá...
Zazá, Zazá,
za-za-za-za....
Za-za-za-za-za-za-zá...
Era la festa di San Gennaro,
ll'anno appresso cante e suone...
bancarelle e prucessione...
chi se pò dimenticá!?
C'era la banda di Pignataro,
centinaia di bancarelle
di torrone e di nocelle
che facevano 'ncantá.
Come allora quel viavai,
ritornò per quella via...
Ritornò pure Isaia,
sempre in cerca di Zazá...
Dove sta Zazá?
Uh! Madonna mia...
Come fa Zazá,
senza Isaia?
Pare pare, Zazá
che t'ho perduta, ahimé!
Chi ha truvato a Zazá,
ca mm''a purtasse a me...
Se non troverò
lei, ch'è tanto bella,
mm'accontenterò
'e trová 'a sorella...
T'amerò,
t'amerò,
t'amerò,
pure a lei glielo dirò
che t'amerò:
T'amerò, Zazá!
T'amerò, Zazá!
T'amerò, Zazá!
Zazá, Zazá,
za-za-za-za...
che t'amerò ll'aggi''a cuntá..
Con tua sorella aggi''a sfugá...
Zazá, Zazá,
za-za-za-za...
Zazá, Zazá,
za-za-za-za...
comm'aggi''a fá pe' te truvá?!
I', senza te, nun pòzzo stá!
Zazá, Zazá,
za-za-za-za-za...
Za-za-za-za-za-za-zá...


E SPINGULE FRANCESE

Nu juorno mme ne jètte da la casa,
jènno vennenno spíngule francese...
Nu juorno mme ne jètte da la casa,
jènno vennnenno spíngule francese...
Mme chiamma na figliola: "Trase, trase,
quanta spíngule daje pe' nu turnese?"
Mme chiamma na figliola: "Trase, trase,
quanta spíngule daje pe' nu turnese?
Quanta spíngule daje pe' nu turnese?"
Io, che sóngo nu poco veziuso,
sùbbeto mme 'mmuccaje dint'a 'sta casa...
"Ah, chi vò' belli spingule francese!
Ah, chi vò' belli spingule, ah, chi vò'?!
Ah, chi vò' belli spingule francese!
Ah, chi vò' belli spingule ah, chi vò'!?"
II
Dich'io: "Si tu mme daje tre o quatto vase,
te dóngo tutt''e spíngule francese...
Dich'io: "Si tu mme daje tre o quatto vase,
te dóngo tutt''e spíngule francese...
Pízzeche e vase nun fanno purtóse
e puo' ghiénchere 'e spíngule 'o paese...
Pízzeche e vase nun fanno purtóse
e puo' ghiénchere 'e spíngule 'o paese...
E puó' ghiénchere 'e spíngule 'o paese...
Sentite a me ca, pure 'nParaviso,
'e vase vanno a cinche nu turnese!...
"Ah, Chi vò' belli spíngule francese!
Ah, Chi vò' belli spíngule, ah, chi vò'?!
Ah, chi vò' belli spíngule francese!
Ah, chi vò' belli spíngule, ah, chi vò'?!"
III
Dicette: "Bellu mio, chist'è 'o paese,
ca, si te prore 'o naso, muore acciso!"
Dicette: "Bellu mio, chist'è 'o paese,
ca, si te prore 'o naso, muore acciso!"
E i' rispunnette: "Agge pacienza, scusa...
'a tengo 'a 'nnammurata e sta ô paese..."
E i' rispunnette: "Agge pacienza, scusa...
'a tengo 'a 'nnammurata e sta ô paese...
'A tengo 'a 'nnammurata e sta ô paese...
E tene 'a faccia comm''e ffronne 'e rosa,
e tene 'a vocca comm'a na cerasa...
Ah, chi vò' belli spîngule francese!
Ah, chi vò' belli spíngule, ah, chi vò'?!
Ah, chi vò' belli spíngule francese!
Ah, chi vò' belli spíngule, ah, chi vò'?!"


IO, MAMMETA E TU

Ti avevo detto, dal primo appuntamento,
'e nun purtá nisciuno appriesso a te...
Invece mo nu frato,
na sora, na nepote...
sola nun staje na vota:
ascimmo sempre a tre!
E mi hai promesso: "Domani chi lo sa...
vengo io soltanto...soltanto con mammá!..."
Io, mámmeta e tu...
passiammo pe' Tuledo,
nuje annanze e mámmeta arreto...
Io mámmeta e tu...
Sempe appriesso,
cose 'e pazze:
chesta vène pure ô viaggio 'e nozze...
Jamm'ô cinema, a abballá...
si cercammo 'e ce 'a squagliá,
comm'a nu carabiniere
chella vène a ce afferrá...
Ah...Ah...Ah...
ma, 'nnammurato,
só' rassignato:
Non reagisco più...
Io, mámmeta e tu!...
Io, mámmeta e tu!...
II
Ma San Gennaro mm'aveva fatto 'a grazia:
ll'ata matina nun ll'ha fatta aizá:
Teneva ll'uocchie 'e freve,
pareva ca schiattava,
io quase mme credevo
d'ascí sulo cu te...
Nu filo 'e voce, però, truvaje mammá:
"Da 'a piccerella ve faccio accumpagná..."

Io, sòreta e tu...
Jamm'ô bar ô Chiatamone:
"Vuó' 'o cuppetto o vuó' 'o spumone?"
"Chello ca costa 'e cchiù!"
Pe' ricordo 'e 'sta jurnata,
dint''a villa, ce hanno fatt''a foto...
Vò' 'o pallone, vò' 'o babbá
nun se fida 'e cammená...
guardo a essa, guardo 'o mare...
stó' penzanno 'e ce 'a mená...
Ah...Ah...Ah...
ma, 'nnammurato,
só' rassignato...
non regisco più...
Io, sòreta e tu!...
Io, sòreta e tu!...
III
Ammore mio, staje sempe cu 'e pariente...
chesta famiglia mme pare na tribù...
Arrivano 'a Milano,
arrivano 'a ll'Oriente...
e tutta chesta gente
sta sempe attuorno a me...
Na vecchia zia ca steva a Cefalù,
venuta ccá, nun se n'è ghiuta cchiù...
Io, zíeta e tu...
poverina, è sofferente,
ogne tanto, nu svenimento...
io, zíeta e tu...
Ll'uovo frisco, 'a muzzarella,
cammenammo sulo in carrozzella...
Stó' pavanno 'a ccá e 'a llá...
'E denare chi mm''e ddá?!
O te lasso o, fra nu mese,
stó' cercanno 'a caritá!...
Ah...Ah...Ah...
tu mm'hê 'nguajato...
mme sposo a n'ata,
nun ve veco cchiù...
Mámmeta, sòreta e tu...
páteto, fráteto e tu...
nònneta, zíeta e tu...
páteto, fráteto, nònneta,
sòreta, sòreta, zíeta,
zíeta, páteto, páteto,
fráteto, fráteto, nònneta...
nònneta, páteto...'o cane...
...Scusate giuvinò', io só' 'a bisnonna...
só' turnata proprio mo da 'o 'spitale...
Aaaaaaahhhhhh!!!!!


MALAFEMMENA

Si avisse fatto a n'ato
chello ch'hê fatto a me,
st'ommo t'avesse acciso...
e vuó' sapé pecché?
Pecché 'ncopp'a 'sta terra,
femmene comm'a te,
nun ce hann''a stá pe' n'ommo
onesto comm'a me...
Femmena,
tu si' na malafemmena...
a st'uocchie hê fatto chiagnere,
lacreme 'e 'nfamitá...
Femmena,
tu si' peggio 'e na vipera,
mm'hê 'ntussecato ll'ánema,
nun pòzzo cchiù campá...
Femmena,
si' doce comm''o zzuccaro...
peró 'sta faccia d'angelo,
te serve pe' 'nganná!
Femmena,
tu si' 'a cchiù bella femmena...
te voglio bene e t'odio:
nun te pòzzo scurdá...
II
Te voglio ancora bene,
ma tu nun saje pecché...
pecché ll'unico ammore
si' stato tu pe' me!...
E tu, pe' nu capriccio,
tutto hê distrutto oje né'...
Ma Dio nun t''o pperdona
chello ch'hê fatto a me...
Femmena,
.................


'O PAESE D'O SOLE

Ogge stó' tanto allero
ca, quase quase, mme mettesse a chiagnere
pe' 'sta felicitá...
Ma è overo o nun è overo
ca só' turnato a Napule?
Ma è overo ca stó' ccá?
'O treno steva ancora 'int''a stazione
quanno aggio 'ntiso 'e primme manduline...
Chist'è 'o paese d''o sole,
chist'è 'o paese d''o mare,
chist'è 'o paese addó' tutt''e pparole,
só' doce o só' amare,
só' sempe parole d'ammore!
II
'Sta casa piccerella,
'sta casarella mia 'ncoppo Pusilleco ,
luntano, chi t''a dá?...
'Sta casa puverella,
tutt'addurosa 'anèpeta,
se putarría pittá:
'A ccá nu ciardeniello sempe 'nfiore
e de rimpetto 'o mare, sulo 'o mare!!!
Chist'è 'o paese d''o sole,
.........................................
III
Tutto, tutto è destino...
Comme putevo fá furtuna all'estero
s'io voglio campá ccá?
Mettite 'nfrisco 'o vino!...
Tanto ne voglio vévere,
ca mm'aggi''a 'mbriacá...
Dint'a sti qquatto mure io stó' cuntento:
mamma mme sta vicino e nénna canta:
Chist'è 'o paese d''o sole,
.........................................


PIGLIATE NA PASTIGLIA

Io cammino ogne notte,
io cammino sbarianno,
io nun tengo maje suonno,
nun chiudo maje ll'uocchie
e nun bevo cafè!
Coro: Va' te cócca, siente a me!...
Va' te cócca, siente a me!...
Na perziana ca sbatte,
nu lampione ca luce...
e nu 'mbriaco ca dice,
bussanno a na porta:
"Mm'arape, Cuncè'?"
'A tre mise nun dormo cchiù:
na vucchella vurría scurdá...
gente, diciteme comm'aggi''a fá?
Coro: Pígliate na pastiglia!
Pígliate na pastiglia,
siente a me...
Pe' mme fá addurmí,
pe' mme fá scurdá,
il mio dolce amor!
Coro: Pígliate na pastiglia!
Pígliate na pastiglia,
siente a me...
Pe' mme fá sentí,
come un gran pasciá
e mm'inebria il cuor!
Dint''e vvetrine 'e tutt''e farmaciste,
la vecchia camomilla ha dato il posto
alle palline 'e glicerofosfato -
bromotelevisionato -
grammi: zero, zero, tre...
Ah!...
Coro: Pígliate na pastiglia,
siente a me!
II
Dint''o scuro na gatta,
mastecanno na sarda,
doce doce mme guarda,
mme guarda, se struscia,
miagola e fa:
Coro: Siente a me: vatte a cuccá!
Siente a me: vatte a cuccá!
Só' nu ciuccio 'e carretta,
carrecato d'ammore
ca se tira stu core...
stu core, ca cerca
la felicitá!...
'A tre mise nun dormo cchiù:
na vucchella vurría scurdá!...
Gente, diciteme comm'aggi''a fá?
Coro: Pígliate na pastiglia!...
.........................
.........................
Finale:
Dint''e vvetrine 'e tutt''e farmaciste,
la vecchia camomilla ha dato il posto
alle palline 'e glicerofosfato -
bromotelevisionato -
diddittí, bicarbonato,
borotalco e seme 'e lino,
cataplasma e semolino,
na custata â fiorentina,
mortadella e duje panine
cu nu miezu litro 'e vino,
nu caffé con caffeina,
grammi: zero, zero, tre!...
Ah!...
Coro: Pígliate na pastiglia,
siente a me!


SCÉTATE

Si duorme o si nun duorme bella mia,
siente pe' nu mumento chesta voce...
Chi te vò' bene assaje sta 'mmiez'â via
pe' te cantá na canzuncella doce...
Ma staje durmenno, nun te si' scetata,
sti ffenestelle nun se vonno aprí...
è nu ricamo 'sta mandulinata...
scétate bella mia, nun cchiù durmí!
II
'Ncielo se só' arrucchiate ciento stelle,
tutte pe' stá a sentí chesta canzone...
Aggio 'ntiso 'e parlá li ttre cchiù belle,
dicevano: Nce tène passione...
E' passione ca nun passa maje...
passa lu munno, essa nun passarrá!...
Tu, certo, a chesto nun ce penzarraje...
ma tu nasciste pe' mm'affatturá...


TE VOGLIO BENE ASSAJE

Pecche' quanno me vide
te 'ngrife comm''a gatto?
Nenne' che t'aggio fatto?
ca no mme puo' vede'?
Io t''aggio amato tanto
si t'amo tu lo saie
Te voglio bene assaie
e tu nun pienze a me!
'Nzomma, songo io lo fauzo?
Appila, sie' maesta:
Ca l'arta toia e' chesta:
lo dico mmereta'.
Lo jastemma' vuria
lo juorno ca t'amaie!
Te voglio bene assaie
e tu nun pienze a me!
La notte tutte dormeno,
e io che buo' durmì!
Penzanno a Nenna mia
mme' sent'ascevulì!
Li quarte d'ora sonano
a uno, a ddoje, atre...
Te voglio bene assaie
e tu nun pienze a me!
Ricordate lo juorno
che stive a me becino,
e te scorreano nzino
le lacreme accossì.
Diciste a me: Non chiagnere
ca tu lu mio sarraje...
Te voglio bene assaie
e tu nun pienze a me!
Guardame nfaccia e bide
comme song'arredutto:
sicco, peliento e brutto
Nennella mia, pe tte!
Cusuto a filo duppio
cu te me vedarraje...
Te voglio bene assaie
e tu nun pienze a me!
Saccio ca nun vuo' scennere
la gara quanno e' scuro,
vattenne muro, muro,
appojete ncuollo a me...
Tu n'ommo comme a chisto
addo' lo truvarraje?
Te voglio bene assaie
e tu nun pienze a me!
Quanno so fatto cennere
tanno me chiagnarraje,
sempe addimannarraje:
Nennillo mio addo' e'?
La fossa mia tu arape
E la' me truvarraje...
Te voglio bene assaie
e tu nun pienze a me!


NUN SIA MAIE

‘A primma rundinella oggi è turnata
‘e pprimme rose stanno pe’ schiuppà
tu pure ‘a qualche ghiuorno pare n’ata
tu si cagnata o staie pe’ te cagnà
ma nun m’’o ddì
si mi ha lassà
io stò malata assaje
e nun sia maie
me faje murì dannata
dannata e senza ‘e te
‘nzerra ‘nu poco ‘e scure ‘e ‘stu balcone
ca ‘o sole nun ‘o voglio fa trasì
l’aucielle già se mettono ‘ncanzone
e comme, comme io sulo aggia murì?
Ma nun mò ddì…


TIEMPE BELLE

Tu me vuò fa capì ca si cuntento,
io voglio fa vedè ca sò felice,
ma, 'a verità ognuno 'e nuie nun dice
'sti core nuoste avesser''a parlà.
Tiempe belle 'e 'na vota
tiempe addò state?
vuie 'nce avite lassate
ma pecchè nun turnate?
Mo pe' sfurtuna mia, stongo cu' nato
pe' nu capriccio tu cu nata staie
se sonna chillo ca 'nno lasso maie
e se lusinga chella 'mbraccio a te.
Tiempe belle 'e 'na vota...
Nuie pe' vulerce bene simmo nate
facimmele cuntente chisti core,
turnammo nata vote a chillo ammore
ca pe' destino nun ce vò lassà.
Tiempe belle 'e 'na vota...
Vurria sapè pecche si me vedite
Facite sempe ‘a faccia amariggiatta
Ma vuie quanno cchiù brutte ve facite
Chiù bella all’uocchie mieie ve presentate
Io mo nun saccio si ve ne accurgite?
Ma cu sti mode oje Briggeta
Tazza ‘e cafè parite
Sotto tenite ‘o zucchero
E ‘a coppe amara site
Ma j tanto che aggia avutà
E tanto che aggia girà
Ca ‘o doce ‘e sott’’a tazza
Fin’ a ‘mocca m’adda arrivà!
Cchiu tiempo passa, chiù v’arreffredate
‘mmece ‘e ve riscaldà cafè squisito
‘o bello è ca si pure ve gelate
site ‘a delizia d’o cafè granito
facenno cuncurrenza ‘a limonata
Vuie site ‘a mamma d’e repassatore
E io bellezza mia figlio ‘e cartara
Si vuie ve divertite a cagna core
Io faccio ‘e carte pe senza denari
Balle pareglia fossemo a fa ammore?


PASSIONE

Chiù luntana me staie,
cchiù vicino te sento...
chisà 'a chisto mumento
tu a chi pienze... che faie.
Tu me miso int''e vene,
'nu veleno ch'è doce,
nun me pesa 'sta croce
ca trascino pe tte.
Te voglio...te penzo...te chiammo,
te veco...te sento...te sonno.
E' n'anno 'nce pienze ch'è n'anno,
ca st'uocchie nun ponno,
cchiù pace truvà.
E cammino, cammino
ma nun saccio addò vaco
io stò sempe 'mbriaco,
ma nun bevo maie vino.
aggio fatto 'nu vuto,
'a madonna d''a neve
si me passa 'sta freva
oro e perle le dò.
Te voglio...te penzo...te chiammo...


PALOMMA 'E NOTTE

Tiene mente 'sta palomma
comme gira e comme avota
comme torna nata vota
'sta cerogena 'a tentà
Palummè chist'è 'nu lume
nun è rrosa o giersumino
e tu afforza cca vicino
te vuò mettere a vulà
Vattenne 'a loco, vattenne pazzarella,
va, Palummella e vola,
e torna l'aria accussi fresca e bella.
obbi ca io pure, m'abbaglio chianu chiano,
e ca m'abbrucia 'a mano pe te ne vulè caccià.
Carulì pe 'nu capriccio
tu, vuò fà scuntento a nato
e po' quanno mme lassato,
tu addu nato vuò vulà
troppi core staje strignenno
cu 'sti mane peccerelle
ma fernesce ca 'sti scelle
pure tu te può abbrucià
Vattenne a loco...
Torna và, palomma 'e notte
dint''a l'ombra addò si nata
torna st'aria 'mbarzamata,
ca te sape cunzulà.
dint''o scuro, pe me sulo
'sta cannela arde e se struie,
ma c'ardesse e tutt''e duje
nun 'o pozzo suppurtà.
Vattenne a loco...


NA SERA 'E MAGGIO

Quanne viene appuntamento,
guarde 'o mare, guarde 'e fronne,
si te parlo nun rispunne,
staie distratto cumm''a che.
Io te tengo dinte 'o core
songo sempe 'nnammurato,
ma tu invece pienze a nato,
e te staie scurdanno 'e me!
Quanno se dice si, Tienelo a mente,
nun s'hadda fà murì, 'nu core amante.
Tu, me diciste si, 'na sera 'e maggio,
e mo tiene 'o curaggio, 'e me lassà.
St'uocchie tuoie nun so sincere,
comm''a quanno me 'ncuntraste,
comm''a quanno me diciste:
"voglio bbene sulo a te"
E tremmane me giuraste,
cu 'na mano 'ncoppe 'o core
nun si scorda 'o primmo ammore,
mo te staie scurdanno 'e me!
Quanno se dice: si,...


CARMELA

Fora ‘e mure ‘nce ‘sta ‘na picciotta
‘mmiez’’e spine s’ha fatto ‘na casa
‘ncopp’’e ffronne s’addorme la notte
e ‘na rosa cchiù bella nun c’è
Duorme Camè,
‘o cchiù bello da vita è ‘o durmì
sonnate a mmè
mparaviso cu tico voglio j!
Ogne sera ca torna ‘a campagna
Va cantanno ‘na bella canzone
Essa dice ca ‘o core se lagna
‘stu dulore ‘o capisco sulo io!
Canta Carmè
Tanto bella è ‘sta voce ‘e sentì
Canta pe mmè
Ca tu ‘ncielo me faie saglì
‘nu vasciello venette ‘a luntano
e pusaje ‘a Surriento ‘na fata
‘ncopp’’o scoglio addo ‘sta Tramuntano
mparaviso ‘stu sito nun c’è
Viene Carmè
T’arricuorde sta fata si tu
Torna cu me
Ncopp’’o scoglio vulimmo murì.


MARUZZELLA

Ohè! Chi sente?
E chi mo canta appriesso a me?
Ohè!
Pe' tramente
s'affaccia 'a luna pe' vedé!
Pe' tutta 'sta marina
'a Pròceda e Resína
se dice: "Guarda Ilá,
'na femmena che fa!
Maruzzella Maruzzè…
T'hê miso dint'a ll'uocchie 'o mare
e mm'hê miso 'mpiett'a me
nu dispiacere…
Stu core mme faje sbattere
cchiù forte 'e ll'onne
quanno 'o cielo è scuro…
Primma me dice "si",
po', doce doce, mme faje murí...
Maruzzella Maruzzè…
Ohé!
Chi mm'ajuta?
Si tu nun viene a mm'ajutá?
Ohé, mm'è venuta
na volgia ardente 'e te vasá.
E vieneténne oje bella…
e damme 'sta vucchella
ca, pe' mm'avvelená,
'e zùccaro se fa…
Maruzzella, Maruzzè…


ROSA MMIEZ''E ROSE

Quanna caiole,
Quanna aucielle,
dint''a 'stu vico tuio pare 'na festa,
canta 'o cardillo,
canta 'a zenzella,
siente 'na sinfunia fore 'a fenesta

e po' t'affaccie tu, cu st'uocchie nire
arraque 'e sciure,
e te zennie cu' me.

Rosa,
c''a mmiez''e rrose,
me tiene mente, e faie 'nu pizzo 'a risa
te guardo,
e penzo 'o juorno ca te sposo,
te guardo,
e penzo 'o juorno ca te vaso.

A vintun'ora,
cu 'nu suspiro,
appann''e lastre e dici bbonasera,
po' areto 'e scure,
me guarde ancora,
e te ne vaie a durmì cuntenta e allera.

Fora 'o balcone mio, sott''a friscura,
m'addormo, e sonno,
ca staie 'mbraccio a me.

Rosa,
ca mmiez''e rrose,...

Bella e cianciosa
che paraviso,
'o juorno ca te dongo mille vase,
vase azzeccuse,
vase cu 'a stesa,
po' scuorno te faie rossa e ammore trase

e po' me dice doppo nove mise:
" è masculillo,
e arrassumiglia a te ".

Rosa,
ca mmiez''e rrose,...


L'URTEMA CANZONE MIA

Un me parlate cchiù de' sciure e rrose,
Pe' me 'sti rrose songo senz'addore;
Nun me dicite: 'a giuventù è nu sciore.
Pecchè stu sciore mio è muorto già.

Pe' me tutt'è fernuto !
Addio, staggione belle !
Addio, rrose e viole !...
I' ve saluto.

'Oi solo 'oi solo
tu pure m'hai lassato
tu pure me l'hai fatto 'o tradimento.
Nu friddo acuto d'int'all'ossa sento
e manco tu me ppuoi venì a scarfà.

Pe' me tutt'è fernuto !
Addio, sole d'Aprile
addio serate e luna
io vi saluto.

E' lurtema canzone ca ve scrive
mbaratavilla e tenitaville 'ncore
Addio canzone mia
io me ne moro
e voi restate pe' ricocuordo 'e me.

Pe' me tutt'è fernuto !
addio serate e luna
vita speranza addio
io vi saluto.

0 COMENTARIOS:

Publicar un comentario en la entrada

Bienvenid@! / Benvenut@!
Escribe un comentario / Lascia un commento

¡Gracias por tu visita!

 
846 y
seguimos
gracias
a tod@s
Traductor@s
"Kara Hidden"
Pedro González
Manuela Putzu
Gelos Gelos
Beatriz Demarchi
Maria Giovanna
Federica Biosa
Davide Zanin